حكاية الصياد والجنيه

فى صياد ساكن فى خوص عش على البحر
كل يوم يقوم الصبح ينزل يصتاد من البحر
جزء من الى بيصتاده بياكل منه والباقى يبيعه
راجل لا بيه ولا عليه زى اى واحد
المهم
جه فى يوم راجع من رحلة الصيد زى كل يوم
دخل الخوص بتاعه لقاه متروق ونضيف وزى الفل
لاء وايه كمان

لاقاه صنية اكل فيه اكل ما تشتهيه النفس
الراجل استغرب جه منين ومين الى نضف الخوص بتاعى
ومين .. ومين ... ومين بصراحه موضوع يحير
المهم
الراجل طلع بره الخوص بتاعه بيبص على يمينه فى خوص على بعد اميال
يعني بعيد اوى الخوص الى على يمينه
بيبص على شماله لقى الخوص الى على شماله بعيييييييد جدا
طيب اروح اسئل مين ......
الراجل اعتمد وراح الخوص الى على شماله
فضل ماشى لغاية ما وصل
بيخبط على الخوص ..........
لقى صوت واحده ست عجوزه بتقوله ايه
العجوزه : مين الى بيخبط
الصياد : انا ياحجه
العجوزه : اتفضل خش يبنى الباب مفتوح
الصياد: ازيك ياحجه عمله ايه؟
العجوزه : الحمد لله يبنى نحمد ربنا
الصياد : هوا انتى ياحجه رحتى الخوص بتاعى وروقتيه ونضفتيه وجبتيلى صنية اكل
العجوزه : والله يبنى انت زى ما شايفنى ست كبيره ومشوفش وحركتى قليله ومقدرش اعمل الى انت قلت عليه
وحتى الخوص بتاعى مبقدرش اوضبه الى بيجي ينضفلى الخوص بتاعى مرات ابنى وهيا ساكنه فى الخوص الى على يمين الخوص بتاعى
الراجل بصراحه احتار قام راح الخوص بتاعه وجاب صنية الاكل وخلى الست العجوزه تاكل وهيا بتاكل قالتله ايه ....
العجوزه : يبنى انت عايز تعرف مين وضبلك الخوص بتاعك وجبلك الاكل دا ..
الصياد : ياريت ونبى يا حاجه عشان انا محتار
العجوزه : طيب بص وانت رايح شغلك الصبح خد شبكتك وصنارتك وعمل انك طالع تصداد وستخبى ورا الخوص بتاعك وانت هتعرف
الصياد مكدبش خبر فعلا عمل زى ما قلتله الست العجوزه بظبط (والله ست عجوزه ناصحه) ههههههههههههه
بيبص لقى بنت جميله جدااا سبحان الله الى هيا اى حد مناا يشوفها يبقا نفسو يجوزها يعني حاجه فى قمة الجمال
الصياد دخل عليها الخوص وشفها ونبهر بجملها وفى لحظه بقه نفسو تكون حلالو ويجوزها
الصياد : انتى مين وبتعملى كده ليه ؟ ......
البنت الجميله : مشمهم تعرف (المهم انت مدام شفتنى يبقا لازم تجوزنى )
الصياد فرح قوى والامنيه الى تمناها الحمد لله اتحققت
الصياد من غير مقدمات وافق على طول وفعلا اجوزها
بس فى ملحوظه
البنت دى طلعت جنيه من البحر بس ما علينا نكمل
الجنيه بتقول للصياد ايه : مدام ان احنا ادجوزنا يبقا شوف اى طلب تتمناه وقولى عليه
الصياد : قلها بس انا طلباتى كبيره جدااااا
الجنيه : اطلب بس وملكش دعوه
الصياد : انا نفسى اعيش فى قصر الملك ويكون عندى حشم وخدم ويكون عندى مراكب فى البحر
الجنيه : قالتلو اوامرك مجابه نام انت ولما تصحى الصبح هتشوف كل حاجه
الصياد فى عقل باله بيقول : البنت دى باين عليها مجنونه
فعلا ياجماعه موضوع يحير بس ما علينا خلينا نشوف لما يصحى الصبح ايه الى هيتم
فعلا الصياد صحى من النوم لقى نفسو فى قصر الملك وفى حشم وخدم وبيبص فى الشباك بتاع القصر على البحر لقى المراكب
ينهر ابيض البنت دى كلامها صحيح وفعلا جنيه
لغاية هنا والموضوع تمام
فضلو على دا الحال وعايشين ايام سعيده وجميله وكلها فرح (اكيد انتو دلوقتى حسين بالشعور دا )
.
.
.
لغاية فى يوم جه ابن الملك وكان بيتمشى وخدتو قدام القصر الى كان بتعهم
وبيبص داخل القصر فى الجنينه لقى بنت جميله جداااا
الى هيا مرات الصياد( الجنيه )
راحلها وكلمها وقالها ايه ..... تابعو معايا
ابن الملك : انتى جميله جدا وانا حبيتك اول ما شفتك ونفسى اجوزك
الجنيه : تجوزنى ازاى وانا مجوزه صاحب القصر دا الى هوا اشترى من ابوك الملك القصر
قام ابن الملك مكدبش خبر ومشى راح لبوه الملك
ابن الملك : ياولدى , ياولدى
الملك : نعم يابنى
ابن الملك : انا كنت بتمشى قدام قصرنا القديم
الملك: ها وبعيدن
ابن الملك : وشفت بنت جميله جدا قاعده جوا القصر فى الجنينه
الملك : ها وبعدين
ابن الملك : وأنا ياولدى حبتها ونفسى اجوزها بس انا قلتلها كده قالتلى انها متجوزه صاحب القصر الى اشترى مننا القصر
الملك : يابنى طبعا مينفعش عشان هيا مرات الى اشترا مننا القصر
قام يجماعه ابن الملك زعل جداا جداا ودخل الغرفه بتعتو وعمل اضراب عن الشرب والاكل وحتى الكلام مع اى حد
الملك قعد يجبلو فى حكما وأطبه والى ميعرفش يعلجو يدبحو فى الحال
ابن الملك مصر على الى هوا فيه ومش عايز يتعالج الى لما يتجوز مرات الصياد
مفاجئه مخطرتش على بال حد ... جت للملك الست العجوزه الى الصياد راحلها الخوص قالت للملك ايه
العجوزه : ياملك انت عايز تشفى ابنك
الملك : طبعا
العجوزه : طيب انا عايزه ادخلو غرفتو وان شاء الله هعلجهولك
الملك : ياست ياعجوزه انتى عارفه لو معرفتيش تعالجى ابنى هيحصلك ايه هدبحك زى الحكما والاطبه الى معرفوش يعلجو ابنى
العجوزه : ياملك عمرى الى راح مش قد الى جاى ومبقاش فى العمر بقيه
العجوزه فعلا دخلت ليـ ابن الملك
العجوزه : يابنى يابنى احكيلى فى ايه مالك يمكن انا عندى دواك
اابن الملك : حكلها الحكياه انو شاف مرات الصياد وحبها ونفسو يجوزها ولو مجوزهاش هيفضل على دا الحال لغاية ما يموت
الست العجوزه نزلت للملك وقالتلو ايه تابعو معايا
العجوزه : ياملك ابن حب مرات الراجل الى اشترى منك القصر ولو مجوزتهالوش هيفضل على دا الحال لغاية ما يموت
الملك : طيب وايه الحل ياست ياعجوزه
العجوزه : مفيش الى حل واحد
الملك : الحقيني بيه الله يخليكي
العجوزه : انك تحاول تقتل زوج الست دى وتجوزها لبنك
الملك احتار ياجماعه ما بين موت ابنو والراجل الى اشترى منه القصر الى هوا جوز البنت الجميله
الملك نده لوزير من عنده وقاله ايه تابعو معايا عشان الى جاى اهم
الملك : ياوزير تعالى
الوزير : نعم يا سيادة الملك
الملك : هتروح للراجل الى اشترى مننا القصر وتقولو حاجه ميقدرش يعملها وتقولو لو معملتهاش الملك هيدبحك
الوزير : حاضر يا سيادة الملك
الوزير قعد يفكر لغاية ما وصل لحل وراح للصياد
الوزير نده للصياد وقاله ايه
الوزير : حضرة الملك بيأمرك انك ترحلو قالع لابس ماشى راكب ولو منفزتش الامر الملك هيدبحك فى الميدان وفى الحال
الصياد : طيب ازاى ياوزير ارحلو قالع لابس راكب ماشى داجنان دا ولا ايه
الوزير : مليش دعوه انا بنفز الاوامر وخلاص
بصراحه موضوع يحير الى ميتحيرش بزمتكو محترتوش انتو ازاى صحيح يروج للملك قالع لابس راكب ماشى
المهم الصياد راح لمراته وبيحكلها الموضوع
قامت مراته ردت عليه وقالتلو ايه
الجنيه : انت تنام والصبح وانت رايح للملك هقولك تعمل ايه
الصياد : ازاى يعني هتقوليلى اعمل ايه ملوش حل الموضوع دا
الجنيه : نام انت ومتشلش هم انا هحل الموضوع دا
الصياد ياجماعه قال بين نفسو انا كده كده هموت ما هوا بصراحه موضوع يحير ازاى يعنى قالع لابس راكب ماشى
المهم عمنا الصياد نام وصحى الصبح لقى مراته بتقوله ايه
الجنيه : اقلع هدومك قام قلع هدومو قامت جابت شال وكان الشال دا بدايتو عند كتفو الشمال نازل عند اخر البطن وطالع من ضهرو برضو عند كتفو الشمال تخيلو انتو وهتفهمو
الجنيه : ادى اول حاجه انت كده قالع لابس
الصياد : قلها طيب ادى حاجه ورحلو ازاى بقه راكب ماشى
قامت الجنيه جابتلو حمار صغير ( جحش ) وقالتلو اركبو ودلدل رجليك ومشى انت الحمار
اديك اهوه بقيت قالع لابس راكب ماشى ههههههههههههههههههههههههههههههههههههه
قام راح للملك لابس الشال وراكب الحمار القصير ومشيه
قال للملك ايه
الصياد : ياحضرة الملك اديني جتلك اهوه قالع لابس راكب ماشى
الملك : خلاص ياصياد روح انت مدام انت نفزت الطلب
قام يا جماعه الصياد مشى والحمد لله عدا من المأزق دا
والملك دبح الوزير الى قال للصياد كده
الملك نده لوزير تانى
الملك : ياوزير
الوزير : نعم ياحضرة الملك
الملك : قالو روح للصياد وقلو موضوع يكون صعب جدا ومحدش يقدر ينفزو وقولو لو معملتش كده الملك هيدبحك فى مدان عام وفى الحال
فعلا الوزير راح للصياد وقالو ايه ,,,
الوزير : ياصياد
الصياد : نعم ياوزير
الوزير : حضرة الملك بيأمرك انك تجبلو طفل صغير يكون لسه نازل من بطن امه ويكون يعني يكون طفل مولود من ساعه او ساعتين
ويوقول للملك 3 جمل ويحكيلو حكايه كدب ولو معملتش كده الملك هيدبحك فى الحال وفى ميدان عام
الصياد : ازاى ياوزير اعمل كده اجبلو منين طفل يكون لسه مولود وكمان يكلم
الوزير : مليش دعوه انا الملك امرنى اقولك كده
الصياد احتار ياجماعه فعلا موضوع يحير العقل
قام الصياد دخل لزوجته وحكلها الحكايه كلها قالها ايه
الصياد : يازوجتى امرنى الملك انى احضرلو طفل يكون لسه مولود وكمان بيكلم ويقلو 3 كلمات وبعدين يحكيلو حكايه كدب
الجنيه : قالتلو طيب نام وملكش دعوه زى ما طلعتك من الاولى هطلعك من دى
الصياد : ازاى يعني انتى هتعملى ايه
الجنيه : ملكش دعوه انت نسيت انا ايه ولا ايه ....
فعلا الصياد ياجماعه نام وصحى الصبح لقى مراته بتقوله ايه
الجنيه : هتنزل البحر بمركب اكنك رايح تصداد وتروح لوحدك هتلاقى اختى طلعالك قلها بتقولك اختك هاتى الامانه الى قالتلك عليها
الصياد فعلا نزل البحر بالمركب
وفعلا طلعتلو جنيه الى هيا اخت مراته قالها ايه ....
الصياد : بتقولك اختك هاتى الامانه الى قالتلك عليها
الجنيه اخت مراته : اتفضل اديها الصندوق دا هوا دا الامانه
الصياد خد الصندوق وراح القصر ودا لمراته الصندوق
مراته فتحت الصندوق وطلعت منه طفل لسه مولود
ووشوشت الطفل فى ودنه
ودت الطفل للصياد وقالتله ايه
الجنيه : خد الطفل وروح للملك ودى الملك الطفل والطفل هيتصرف
الصياد : ازاى يعني طفل هيتكلم
الجنيه : روح انت بالطفل وملكش دعوه
فعلا الصياد خد الطفل وراح للملك قاله ايه
الصياد : ياملك انا جبتلك الطفل اهوه
الملك : قالو ياصياد انا مش هتعب نفسى معاك انا هقول للطفل 3 كلمات لو مردش بالى انا عايزو هدبحك فى الحال انا هقول للطفل (ياولد ياولد ياولد )
قام فعلا الملك عمل زى ما قله
الملك : ياولد ياولد ياولد
الطفل رد عليه وقاله ايه
الطفل: 1 نعم 2 ياحضرة 3 الملك
ادى اول طلب ياجماعه الطفل رد عليه بيـ 3 كلمات
نيجي بقه عند الموضوع الكدب
الطفل : دا انا من زماااااان من 80 سنه كان عندى 40 مركب وكل مركب كنت معين عليه قبطان وعمال وفى يوم وحنا بنسطاد قابلتنا موجه كبيييييييره وقلبت ال 40 مركب
الملك : ها وبعدين
الطفل : أمرت ال 40 قبطان كل قبطان يعدل المركب بتاعه
الملك : ها وبعدين
الطفل : فعلا ال 40 قبطان عدلو المراكب بتاعتهم
الملك : ها وبعدين
الطفل : طبعا السمك الى احنا كنا استضناه وقع لما المراكب اتقلبت
الملك : ها وبعدين
الطفل : أمرت ال 40 قبطان طبعا ينزلو يجيبو السمك الى وقع من المراكب
الملك : ها وبعدين
الطفل : الى جابو السمك 39 قبطان بس
الملك : والقبطان ال 40 عملت ايه معاه
الطفل : أمرتو ينزل تانى البحر ويجيب السمك الى وقع منه ولو مجبوش هدبحو فى الحال
الملك : طيب مشمهم السمك بتاع القبطان القبطان رقم 40 عشان هوا كده ضاع
الطفل : يعني يا ملك دون عن بنات الدنيا كلها ابنت ملقاش الى مرات الراجل دا وعايز يجوزها وانت عايز تقتل الراجل الغلبان دا عشان تجوز مراته لبنك دا حرااااااااااااااااااااااااااااااااااااااااااا
---------------------------------------
ههههههههههههههههههههههههههههه ههه
يعني الملك استحرم موت القبطان ال 40 عشان مجبش السمك بتاعو مش مستحرم انو يقتل الراجل دا عشان يجوز مراته لبنو
ما الدنيا فيها بنات حلوه كتير كان يجبلو بنت حلوه منهم